Kind

Ég sá þennan flotta púða á Purl Soho síðunni. Mér finnst hann mjög flottur og ekki skemmir fyrir að uppskriftin að honum er frí. 

I saw this nice cushion from Purl Soho on their webpage. I think he is a classy and the pattern is free.

Uppskriftina að Kindapúðanum er hægt að nálgast á hér. Þessi uppskrift fer beint á "langar að gera þegar ég hef tíma" listann minn.

The pattern for the Sheep cushion can be found here. This pattern goes directly to my "want to do when I have time" bucket list.

Skógarhöggshúfa

Stærð: Dömu/herra (medium)

Garn: Léttlopi, tveir litir, ein dokka af hvorum lit

Prjónar nr 3,5

Prjónfesta: 19 lykkjur eru 10 cm

                                           

Fitjið upp 104 lykkjur á prjóna númer 3,5 með ljósari litnum. Tengið í hring.

Prjónið stroff 2 sléttar lykkjur og 2 brugðnar lykkjur þar til stykkið mælist 9 cm.

Skiptið yfir í dekkri litinn og prjónið slétt prjón.

Í fyrstu umferðinni með dekkri litnum er aukið út um 13 lykkjur með því að prjóna 8 lykkjur og auka síðan út um 1 lykkju, 13 sinnum. Þá eru 116 lykkjur á prjóninum. 

Prjónið nú þar til dekkri liturinn mælist 2 cm.

Prjónið þá rendur þannig:

         2 umferðir með ljósari litnum

         2 umferðir með dekkri litnum

         2 umferðir með ljósari litnum

         2 umferðir með dekkri litnum

         2 umferðir með ljósari litnum

Prjónið áfram með dekkri litnum þar til allt stykkið mælist 18,5 cm.  
Þá hefst úrtaka.
     1. umferð: Prjónið 6 lykkjur, prjónið 2 lykkjur saman. Í lok hrings eru 5 lykkjur í afgang
     2. og 3. umferð eru prjónaðar sléttar án úrtöku. Þessar 2 umferðir eru prjónaðar á milli úrtökuumferðanna
     4. umferð: Prjónið 5 lykkjur, prjónið 2 lykkjur saman. Í lok hrings eru 5 lykkjur í afgang
     7. umferð: Prjónið 4 lykkjur, prjónið 2 lykkjur saman. Í lok hrings eru 5 lykkjur í afgang
    10. umferð: Prjónið 3 lykkjur, prjónið 2 lykkjur saman. Engin lykkja í afgang
    13. umferð: Prjónið 2 lykkjur, prjónið 2 lykkjur saman
    16. umferð: Prjónið 1 lykkju, prjónið 2 lykkjur saman
    19. umferð: Prjónið 2 lykkjur saman allan hringinn
    22. umferð: Prjónið 2 lykkjur saman allan hringinn
Klippið nú bandið og dragið það í gegn um allar lykkjurnar

 Frágangur: Gangið frá öllum endum. Skolið úr húfunni með sjampói og hárnæringu til að mýkja hana og látið þorna.

Desember

Ég ákvað að prjóna nokkrar jólagjafir. 

Undanfarið hef ég fylgst með Brittamis Design á facebook. Í sumar var sett upp klútaprjón og valdi ég nú í nóvember að prjóna ZZ klut fyrir systur mínar.

I decided to knit a few Christmas gifts.

Recently I have been following Brittamis Design on facebook. This summer there was a cloth knitting and in November I decided to knit the ZZ cloth for my sisters.

Ég prjónaði þrjá klúta úr þremur mismunandi litum  (2 litbrigði af bláum). Allir komu þeir vel út og er munstrið gullfallegt. Ég keypti sápur í Body shop og setti með klútunum og þá var komin jólagjöf.
I knitted three washing clothes from three different colors (two shades of blue). All worked out fine and the pattern is beautiful. I bought soaps from Body shop and put them with the cloths and gave my sisters as Christmas presents.

Í nóvember ákvað ég líka að prjóna peysu fyrir pabba minn í jólagjöf. Uppskriftin er úr bókinni "Prjónað úr íslenskri ull" og er hún prjónuð úr léttlopa. Ég er reyndar hrifnari af plötulopanum en ákvað að fylgja uppskriftinni. 
In November, I decided also to knit a sweater for my dad for Christmas. The pattern is from the book "Prjónað úr íslenskri ull" and is knit from light wool. Actually I do like plötulopi better but decided to follow the pattern.

Peysan er mjög fallegt og litatónarnir renna mjög vel saman. Mitt mat er að þetta er fallega hönnuð peysa.
The sweater is very beautiful and the color tones flow very well together. My assumption is that this is a beautifully designed sweater.

Þessa peysu prjónaði ég handa þriggja ára frænku minni og gaf í jólagjög. Uppskriftin er fengin úr prjónablaðinu Ýr nr. 58 og er hún prjónuð úr smart.
This sweater I knitted for my three year old aunt and gave as Christmas present. The pattern is from "Prjónablaðið Ýr" no 58 and I made it from Smart from Sandnes yarn.

Uppskriftin er ágæt en ég keypti garn fyrir stærð 4 ára og það var of lítið magn sem var gefið upp. Þegar ég sá að mig vantaði garn var of seint að fá í dokku í sama litanúmeri svo ég varð að breyta til í hálsmálinu. Ég endaði á að kaupa garn sem var líkt í lit en fíngerðara og angórugarn og setti ég þræðina saman og prjónaði hálsmálið úr þeim. 
The pattern is ok, but I bought yarn for size 4 years and it was not enough for the size. When I saw that I needed more yarn was it was too late to get one in the same color code, so I had to make some changes in the neckline. I ended up buying a yarn that was similar in color and some fluffy yarn and knitted the neckline with both of those threads.

Að lokum fékk mamma mín peysuna hér fyrir neðan í jólagjöf. Hana var ég búin að prjóna í sumar. 

At last I made the sweater below for my mom as Christmas present. I knitted it last summer so it was just waiting to be handed over.

Jóla- og áramótakveðja

Ég sendi þér mínar allrabestu jóla- og áramóta kveðjur.  Vonadi áttu gott prjóna/hekl/ útsaums ár framundan.

Mikið afskaplega líður desember alltaf hratt, sérstaklega þegar ég ákveð á síðustu stundu að búa til jólagjafir. 
How quickly December always passes by and this year especially since I decide at the last minute to knit some Christmas gifts.

Það var búið að veltast í mér hvað ég ætti að gefa systrum mínum í jólagjöf og ákvað ég að lokum að prjóna jólakúlur handa þeim. Ég átti uppskrift sem ég fékk frá Unni vinkonu minni og notaði ég kremhvíta ull í ljósa hlutann og grænt glitgarn í bjöllurnar og prjónaði á prjóna nr. 3. 

 I had been thinking about what I should give my sisters for Christmas and I finally decided to knit Christmas balls for them. I had a pattern I got from my friend Unnur and I used off-white wool in the white part and green glitter yarn for the bells.

Bjöllurnar eru mjög fallegar enda munstrið fallegt. Ég hef aldrei áður prjónað jólakúlur en nú langar mig til að gera eina eftir hverju munstri sem ég á svo það verður fjör framundan. 

The bells are very beautiful. I've never before knitted Christmas balls but now I want to make one from each pattern so I will be having much fun for me ahead.

Jólatréð sem ég byrjaði á í lok nóvember er ekki tilbúið ennþá en stefnan er sú að klára það fljótlega, enda langt komin með það, og prjóna smáhlutina yfir árið. Í desember ætti það að vera tilbúið og hægt að nota það sem dagatal.

The Christmas tree that I started at the end of November is not ready yet but the plan is to finish it soon.  Then I will knit all the small things over the next 11 months. In December, it should be ready to be used as a Christmas calendar.

Á pinterest er hægt að finna þó nokkuð af jólakúlu uppskriftum með því að slá inn t.d.  "Christmas balls knit".

On pinterest are lot of patterns for Christmas balls and I fount them when I taped "Christmas balls knit".

Þvottastykki - wash cloth

Ég fann þennan fína fugl á Lionbrand vefnum og ákvað að hekla hann. Í rauninni er þetta pottaleppur en ég ákvað að gera hann einfaldan og nota sem þvottastykki. 
I found this nice bird on the Lion Brand website and decided to crochet it. It's really a pot holder but I decided to make one piece and use it as a wash cloth.

Uppskriftin er einföld og þægileg að fylgja eftir. Ég lengdi fuglinn aðeins því ég var með aðeins fínna garn en er gefið upp í uppskriftinni og vildi ég fá hann lengri en en hann er samkvæmt umferðafjölda í uppskriftinni.
The pattern is simple and easy to follow. I made the bird slightly longer because I used yarn that was not as thick as in the recipe and I wanted to have my bird little longer than according to the rows in the pattern.

Uppskriftina er að finna hér.
You can find the pattern here.

Eyrnaband

Stærð:  8-10 ára, (kvenstærð)

Prjónar nr. 6

Garn: Semilla grosso frá Litlu prjónabúðinni

Munstur: Klukkuprjón.

 Þetta myndband á youtube sýnir vel hvernig á að prjóna klukkuprjón                     http://www.youtube.com/watch?v=gtLaQ9aN1MM .

Munstrið er prjónað á eftirfarandi hátt:

1. umferð: Takið 1 L óprjónaða slétt af prjóninum (þetta er kanntlykkja og er alltaf tekin óprjónuð), * prjónið 1 slétta L, sláið bandi yfir prjóninn og takið eina lykkju óprjónaða fram af eins og um brugðna lykkju væri að ræða*. Endurtakið frá * - * að síðustu lykkjunni. Síðasta lykkjan er kanntlykkja eins og sú fyrsta og er alltaf prjónuð slétt.

2. umferð:  Takið 1 L óprjónaða slétt af prjóninum (kantlykkja), * sláið bandið yfir prjóninn og takið eina lykkju óprjónaða fram af eins og brugðna lykkju, prjónið bandið og óprjónuðu lykkjuna slétt saman *. Endurtakið frá * - * að síðustu lykkjunni. Prjónið hana slétta.

Þessar tvær umferðir eru endurteknar.

Eyrnaband: Fitjið upp 17 (19) L á prjóna nr. 6. Fyrsta og síðasta lykkjan eru kanntlykkjur. Í byrjun prjóns er fyrsta lykkjan tekin óprjónuð fram af prjóninum og í lokin er síðasta lykkjan prjónuð slétt. Prjónið klukkuprjón þar til stykkið mælist 42 (46) cm.  Fellið af eða geymið lykkjurnar.

Band: Fitjið upp 9 lykkjur. Prjónið 12 umferðir slétt yfir allar lykkjurnar (slétt á réttunni, brugðið á röngunni). Geymið lykkjurnar (ekki fella af).

Frágangur: Saumið eða lykkið eyrnabandið saman. Leggið bandið yfir sauminn á eyrnabandinu, slétta prjónið út, og lykkið saman þannig að bandið fer í hring utan um sauminn á eyrnabandinu og dregur það saman. Mér fannst betra að lykkja bandinu saman til að minnka þykktina framan á því.

Orðskýringar:

Prj = prjónið

Nr. = númer

L = lykkja

Ef eitthvað er óljóst í uppskriftinni, sendið mér endilega póst eða skrifið athugasemd svo ég geti lagað hana. 

Coaster

- Glasamottur
Ég gerði þessar glasamottur um helgina. 
I made those coasters last weekend.

Munstrið er gamalt eða síðan 1893 og er miðjuhlutinn af stærra hekluverki.
The pattern is old or since 1893 and is a center portion of a bigger pattern.

Uppskriftin er vel framsett en eingöngu í orðum, engin skýringarmynd. Mér fannst samt auðvelt að fylgja henni og myndin af mottunni var góður stuðningur við lýsinguna. 
The pattern is well presented, but only in words, no diagrams. It was easy to follow it and the picture of the coaster was a good backup with the pattern.