Wednesday, December 2, 2015

Jóladagatal



Nú er jóladagatal Drops - Garnstudio byrjað. Mér finnst það vera orðinn partur af jólahefðinni að fara á vefinn og opna hurð á hverjum degi.  Slóðin er hér Jóladagatal Garnstudio

Now has the Drops - Garnstudio advent calendar started. For me it is some kind of Christmas tradition to open the door of the day and see what is behind it. Here it is - Garnstudio - christmas-calendar

Saturday, October 3, 2015

Child 44

Ég lauk nýverið við að lesa bókina "Child 44" eftir Tom Rob Smith. Hún var frábær. Eiginlega þannig að ég gat ekki lagt hana frá mér fyrr en ég var búin með hana. Ég vissi ekki að þetta er fyrsta bókin í þríleik um Leo og Raisu.
Ég mæli með bókinni fyrir allar sem hafa gaman að spennubókum og ekki spillti fyrir umhverfið sem hún gerist í eða Sovétríkin um 1950.
I recently finish reading the book "Child 44" by Tom Rob Smith. The book is great and I could hardly put it down until I finished it.  i did not know that it is the first book of three about Leo and Raisa. 
I can easily recommend this book for those who love thrillers. 

Sunday, September 20, 2015

Prjónað

Í sumar hefur ýmislegt verið á prjónunum.

This summer I have been knitting this and that.
 Ég byrjaði á norskri ullarpeysu úr Sisu á eiginmannin og mjakast hún áfram. Það er ansi seinlegt að prjóna svona stóra peysu á litla prjóna. Munstrið er fengið úr Prjónablaðinu Ýr.

I started a Norwegian sweater knitted in Sisu wich is a wool yarn from Sandnes yarn. The pattern is from Sandnes yarn to. The work goes slowly because it takes long time to knit a big sweater with small knitting needles. 
 Haustboðinn frá Rowna kom í hús. Mér finnst þetta eitt fallegasta blaðið frá þeim í mörg ár. Það er alveg fullt af peysum og trefill sem mig langar að prjóna í blaðinu.

The autumn came from Rowan with one the most beautiful knitting magazine for the last few years. There are some number of sweaters and a scarf that I would like to knit that are in the magazine.
 Svo tók ég að sjálfsögðu þátt í litabókaæðinu sem kom í sumar og keypti mér eina sem inniheldur skordýr. Mér leist ekki á öll laufblöðin í Secret garden bókinni.

I did, of course, buy an coloring book like so many this summer. The one I bought are with insect because I know I would not have the patient to color all the leaves in the Secret garden book.
 Ég heklaði dúk úr garnafgöngum sem ég var búin að eiga lengi og vissi aldrei hvað ég átti að gera við. Þetta var hrúga af litlum bómullarhnyklum. Ég notaði helkunál nr. 5 og fitjaði upp lykkjur sem mér fannst hæfa borðinu og heklaði síðan þar til allir hnyklarnir klárðuðust. 

I did crochet a table runner from yarn stash that I had had for a long time and did not know what to do with. This was a heap of small balls of cotton yarn. I used crochet needle no. 5 and did cast on enough stitches to fit the table and then I did crochet until all the yarn was finished. 

 Það nýjasta sem ég kláraði eru þessir ullarsokkar. Ég gerði þá úr afgöngum og prjónaði þá á prjóna nr. 3,5. 

The latest thing I finished are those woollen socks. I knitted them from wool scraps and I think they came out nicely. 

Monday, April 20, 2015

Ýmislegt

er í gangi eins og venjulega í handavinnuhorninu. Nýtingartaskan þar sem ég hnýti saman alla spotta sem falla til og eru nógu langir til að binda saman gengur ágætlega og er ég að hugsa um að fara að klára hana. 
Lot of things are in progress as usual in the handicraft corner. The bag of utilization, where I tie together yarn ends that are long enough to tie together, goes well and I think I will finish it soon.
 Ég var því að hugsa um að hekla næst handföng og nokkra hringi yfir þau svo það verði gott hald í henni.
 Undir töskunni sést í endurvinslumottu sem var hekluð úr gömlu laki og sængurveri sem var orðið ónýtt.
I think I will start to crochet the handles next and a few laps after that so it will be strong hold in it. 

  Under the bag is a recycled mat that was crochet from old sheets that were not used anymore.
 Einn lítill amigurumi er einnig að verða til .Hausinn er kominn og síðan fylgja bolur, útlimir og eyru á eftir. 
One small amigurumi is also starting to take shape. The head is ready and then the body,  limbs and ears will follow.


Að lokum langaði mig að sýna mynd af blaði sem ég keypti mér um daginn. Fatasaumur er því á dagskrá bráðlega. Mér finnast Ottobre blöðin mjög góð því sniðin eru þægileg að vinna með og góðar leiðbeiningar með þeim.
Finally, I wanted to show a picture of a sewing magazine I bought the other day. To sew some clothes is therefore on the list. My experience is that the instructions in ottobre are good and easy to sew clothes  based on them.

Monday, April 6, 2015

Húfa með línu


Stærð: Ein stærð sem passar fyrir dömur og herra
Prjónar: Hring- og sokkaprjónar nr. 3 og 3,5 mm
Prjónfesta: 10 cm eru 23 lykkjur á þveginni prufu
Garn: Sem passar við prjónfestu. Ég notað Smart frá Sandnes garn.


Fitjaðu upp 114 lykkjur á prjóna númer 3. Tengdu í hring og pjónaðu stroff, 4 sléttar lykkjur og 2 brugðnar lykkjur allan hringinn. Prjónaðu stroff þar til stykkið mælist 4 cm.
Skiptu yfir á prjóna nr. 3,5 og prjónaðu 1 hring með sléttu prjóni. Síðan er munstur
prjónað.

 Munstur:  
      
1.  Prjónaðu 54 lykkjur slétt. Því næst eru  2 lykkjur settar á hjálparprjón og lagðar aftan við hringprjóninn (inn í húfuna), prjónaðu 2 lykkjur af hringprjóninum framan við hjálparprjóninn. Næst eru lykkjurnar 2 sem eru á hjálparprjóninum prjónaðar. Kláraðu að prjóna hringinn.
2. Prjónaðu 1 hring án úrtöku.
3. Prjónaðu 52 lykkjur slétt. . Því næst eru 2 lykkjur settar á hjálparprjón og lagðar aftan við hringprjóninn (inn í húfuna), prjónaðu 2 lykkjur af hringprjóninum framan við hjálparprjóninn. Næst eru lykkjurnar 2 sem eru á hjálparprjóninum prjónaðar. Kláraðu að prjóna hringinn.
4. Prjónaðu 1 hring án úrtöku.

Munstrið er prjónað áfram eins og umferðir 3 og 4 nema alltaf er prjónað 2 lykkjum styttra í munsturumferðinni (oddatölu-umferðin þar sem línan myndast) og vefur línan sig þá um kollinn.

Prjónaðu nú þar til allt stykkið mælist 14 cm.

Þá hefst úrtakan:

*Prjónið 12 lykkjur, prjónið 2 lykkjur saman*. Endurtaktu frá * til * út hringinn. Nokkrar lykkjur verða eftir í afgang og eru þær pjónaðar inn í úrtökuna þegar þær passa þar inn.
Pjrónið 1 hring án úrtöku.
*Prjónið 11 lykkjur, prjónið 2 lykkjur saman*. Endurtaktu frá * til * út hringinn.
Pjrónið 1 hring án úrtöku.
Úrtakan er prjónuð þannig áfram ásamt línunni. Línan leggst yfir úrtökuna. Prjónaðu úrtökuna áfram þar engin lykkja er eftir á milli úrtakanna. Pjónaðu þá 2 lykkjur saman allan hringinn. Kklipptu bandið og dragðu í gegn um þær lykkjur sem eru eftir.


Frágangur: Gangið frá öllum endum. Gott er að skola úr húfunni og leggja á handklæði meðan hún þornar.

Wednesday, April 1, 2015

Hvutti og húfur

Þessi litli hundur bættist í hóp amigurumi fígúra frænku minnar um daginn.
This little dog joined the group of amigurumi figure my aunt has few days ago.
 Uppskriftin er fengin úr Candy Magazine 1 og er hundurinn heklaður úr Candy garninu. 
 This pattern is from the Candy Magazine 1 and the dog is crocheted from the yarn Candy that is specially designed for the patterns (or the patterns for the yarn).
 Svo ákvað ég að nota afgangasgarn og prjóna húfur úr því . Sú fyrsta var röndótt úr dökk brúnu og gráu Smart garni.
 So I decided to use rest yarn and knit a hat. The first one was striped from dark brown and gray Smart yarn from Sandnes yarn.
 Síðan kom blá húfa með línu sem leggst yfir kollinn, einnig úr Smart.
Then came a blue hat with a line that runs over the hat, also from Smart.

 Og að lokum kláraði ég blómahúfu sem er nokkuð síðan ég byrjaði á. Litirnir sem eru í henni eru koksgrár og kremaður. Munstrið teiknaði ég eftir útsaumsmunstri sem ég fann á Pinterset og lagaði það að prjóninu.
 And finally I finished a floral hat I started some time ago. The colors in it are dark gray and creamed. I drew the pattern from a embroidery pattern I found on Pinterset and changed it to fit for the knitting look.
Ég er að skrifa uppskriftina fyrir fyrri húfurnar 2 og kem til með að birta þær á blogginu þegar þær eru tilbúnar.
I am writing the pattern for the first two hats, and when it´s ready I will post them on the blog.

Sunday, March 8, 2015

Kláruð verkefni

Það sem af er ári er ég búin að klára 3 prjónaverkefni og 1 heklverkefni.
So far this year I have finished 3 knitting projects  and 1 crochet project.
 Fyrir það fyrsta prjónaði ég þessa peysu fyrir systurdóttur mína og gaf henni í 2ja ára afmælisgjöf.
 For the first I knitted this sweater for my niece and gave it to her for her 2 years birthday.



Uppskriftin er úr prjónablaðinu Ýr nr. 58 og prjónaði ég hana í stærð á milli 2ja og 4ra ára. Ég var áður búin að prjóna eins peysu fyrir systur hennar svo nú í fyrsta skiptið er ég búin að prjóna 2 eins peysur. 
The pattern is from Sandnes yarn and knitted with smart no 4611. The size is somewhere between 2 and 4 years. I already have a sweater knit as this one for her sister, so for the first time I've knit 2 sweaters of the same kind.

 Síðan dreif ég mig í að klára gatamunstraða peysu sem ég byrjaði á fyrir nokkrum árum síðan.
I then gave me time to finish this lace knitted sweater that I started a few years ago.
 Uppskriftin og garnið er frá Rowan.
 The pattern and yarn is from Rowan.
 Liturinn er eins og á myndinni fyrir neðan, fallega grænn en ekki litleysa eins og á þessari mynd. Ég ákvað samt að setja hana inn því hún sýnir munstrið vel. 
The color is as shown in the picture below, a beautiful green but not colorless like this photo. I still decided to put it in because it shows the pattern quite well.

Peysan er í retro stíl. Eini gallinn sem mér finnst vera er að þar sem uppskriftin er nokkuð gömul þá er peysan dáldið stutt. Ég þarf að finna út við hvað hún passar best því ég tími ekki að leggj henni . Hún er of flott til þess.
The sweater is in retro style. The only lack in it is that I think because the pattern is a bit old and therefore is the sweater rather short. I need to find out what goes best with my new sweater because I can´t keep it in the closet, it´s too nice for that.

Sunday, February 15, 2015

Endurvinnsla

getur verið svo skemmtileg.
Recycling can be so much fun.
Undanfarið hef ég verið að sauma flísvettlinga úr afgangsefni og gömlum flísfötum. Í stroffið hef ég notað gamlar barnasokkabuxur.
Lately I've been sewing fleece mittens from leftover material and old fleece clothing. For the rib I've used old children tights.
Einnig dró ég fram peysu sem ég prjónaði fyrir mörgum árum síðan og var orðin vel slitin af notkun þegar börnin mín uxu upp úr henni. Ég hef samt ekki tímt að henda peysunni.
Also, I pulled out an old sweater that I knitted many years ago. It had become a well-worn (the hem was actually ruined) from use when my children grew out of it. Yet I did not  want to throw it away.

   
 Núna á ég frænku sem passar í peysuna og ákvað ég að annað hvort gæti ég lagað peysuna eða ég myndi henda henni.
 Now I have an aunt who fits in the sweater so I decided that either I would fix sweater or I throw it away.
 Lagfæringin tókst bara nokkuð vel og í rauninni létti yfir peysunni að fá bleika litinn til viðbóta.
The fixing looks pretty good and it it made the sweater more girly when the pink yarn was added to it. 
Heklið faldi líka allt slit svo peysan er orðin vel nothæf og verður fín í allt slark í vor og sumar.
The crocheted hem is also hiding all the ruinings so the sweater has become usable and will be fine in all kinds of out door games this spring and summer.

Thursday, January 22, 2015

Skógarhöggshúfa


Stærð: Dömu/herra (medium)

Garn: Léttlopi, tveir litir, ein dokka af hvorum lit
Prjónar nr 3,5
Prjónfesta: 19 lykkjur eru 10 cm
                                           
Fitjið upp 104 lykkjur á prjóna númer 3,5 með ljósari litnum. Tengið í hring.
Prjónið stroff 2 sléttar lykkjur og 2 brugðnar lykkjur þar til stykkið mælist 9 cm.
Skiptið yfir í dekkri litinn og prjónið slétt prjón.
Í fyrstu umferðinni með dekkri litnum er aukið út um 13 lykkjur með því að prjóna 8 lykkjur og auka síðan út um 1 lykkju, 13 sinnum. Þá eru 116 lykkjur á prjóninum. 
Prjónið nú þar til dekkri liturinn mælist 2 cm.
Prjónið þá rendur þannig:
         2 umferðir með ljósari litnum
         2 umferðir með dekkri litnum
         2 umferðir með ljósari litnum
         2 umferðir með dekkri litnum
         2 umferðir með ljósari litnum
Prjónið áfram með dekkri litnum þar til allt stykkið mælist 18,5 cm.  
Þá hefst úrtaka.
     1. umferð: Prjónið 6 lykkjur, prjónið 2 lykkjur saman. Í lok hrings eru 5 lykkjur í afgang
     2. og 3. umferð eru prjónaðar sléttar án úrtöku. Þessar 2 umferðir eru prjónaðar á milli úrtökuumferðanna
     4. umferð: Prjónið 5 lykkjur, prjónið 2 lykkjur saman. Í lok hrings eru 5 lykkjur í afgang
     7. umferð: Prjónið 4 lykkjur, prjónið 2 lykkjur saman. Í lok hrings eru 5 lykkjur í afgang
    10. umferð: Prjónið 3 lykkjur, prjónið 2 lykkjur saman. Engin lykkja í afgang
    13. umferð: Prjónið 2 lykkjur, prjónið 2 lykkjur saman
    16. umferð: Prjónið 1 lykkju, prjónið 2 lykkjur saman
    19. umferð: Prjónið 2 lykkjur saman allan hringinn
    22. umferð: Prjónið 2 lykkjur saman allan hringinn
Klippið nú bandið og dragið það í gegn um allar lykkjurnar

 Frágangur: Gangið frá öllum endum. Skolið úr húfunni með sjampói og hárnæringu til að mýkja hana og látið þorna.