Ömmudúllur

geta verið aðeins öðruvísi. Ég fann þessar leiðbeiningar fyrir heklaða dúllu sem er hringur í miðjunni en formið er ferhyrnt þegar dúllan er tilbúin. Á eftirfarandi slóð eru góðar leiðbeiningar um hvernig á að hekla dúlluna. Síðan er sniðugt að setja þetta saman í púða, teppi eða eitthvað allt annað.

http://attic24.typepad.com/weblog/summer-garden-granny-square.html

Kíkið á þetta. Ég er að hugsa um að byrja á púða með þessu munstir. Ég hef séð það hjá nokkrum bloggurum m.a. á Sols(tr)ikke síðunni.

Theodora

Það eru líklega um 3 vikur síðan ég kláraði Theodoru sjalið mitt.

Ég skráði mig í mystery knit á Ravelry og fékk uppskriftina að sjalinu í tveimur skömmtum.

Fyrst kom prjón sem ég hef aldrei prjónað fyrr og átti ótrúlega erfitt með að átta mig á því. Prjónapínurnar mínar eru bara svo flinkar og þar sem þær voru líka að prjóna svona sjal gat ég fengið allar upplýsingar frá þeim.

Þegar fyrri hlutinn var búinn tók við blúnduprjónið (gataprjónið). Þá kom í ljós þessi fallega blúnda sem skreytir sjalið.

Garnið sem ég notaði var Kauni. Ég man ekkert hvar ég keypti það og er búin að hugsa það mikið og leita eftir því í nokkrum búðum. Ég bara finn það ekki. Ég er stórhrifin af því og ef einhver veit hvaða búð selur það má endilega láta mig vita.

Sjalið er æði. Bæði hlýtt og létt, svo er hönnunin flott. Ég mæli með Ravelry. Það er hægt að finna allt þar sem mann langar til að prjóna, bæði einfalt og flókið.

I did knit my Theodora from Mystery Cal on Ravelry. I realy do like this shawl. The desing is beautiful. I used Kauni to knit it from. It´s a great yarn og the shades in it are magnificent.

Töskur

Ég fann þessa slóð að alls konar töskum, saumuðum, hekluðum og prjónuðum. Mér sýndist leiðbeiningarnar vera nokkuð góðar. Ég skoðaði m.a. eina saumaða töskum og sá ekki betur en leiðbeiningarnar væru "í teskeið" svo það ætti að vera auðvelt að fylgja þeim. Reyndar eru lýsingarnar á ensku en ég held að allir ættu að geta klórað sig fram úr þeim.
Slóðin er
http://tipnut.com/35-reusable-grocery-bags-totes-free-patterns/

I found those bags on the internet. The patterns are free for people to use. There are so many more bags to look at and wonder where there is time to make all you want to sew, knit or crochet.

Prjónablogg

Mér finnst mjög skemmtilegt að lesa blogg annarra prjónara. Gróskan er ótrúlega mikil. Ég ákvað að setja nokkrar síður hér inn sem ég er búin að skoða í dag.

http://berglindhaf.blog.is/blog/berglindhaf/

http://www.prjona.blog.is/blog/prjona/

http://handod.blogspot.com/

http://prjonablogg.blogspot.com/

Læt þetta duga núna,

Sjal

Þetta sjal prjónaði ég úr einföldum plötulopa og einbandi.

Ég hef áður prjónað sama sjalið nema þá notaði ég ljósa liti í það.

Útkoman er ekki síðri í svörtu. Reyndar held ég að það sé sama hvaða lit ég notaði, það að blanda saman þessum garntegundum kemur alltaf vel út.

Uppskriftina er að finna í einu af gömlu prónablöðunum Ýr. Þar voru nú almennilegar uppskriftir, alla vega betri en hafa verið í nýju blöðunum. Mikið óskaplega finnst mér þær eitthvað óspennandi. Í nýja blaðinu núna er t.d. ekkert á herra og engar flottar peysur á unglingsstelpur (en þetta er það sem mig vantar til að prjóna eftir). Jæja, nóg af gagnrýni og tuði.

Ég er mjög ánægð með þetta sjal og það fer vel hvort sem er yfir peysu eða úlpu.

Í gær var ég í mjög skemmtilegri vorferð með vinnunni. Einn af stöðunum sem við stoppuðum á var handverkshúsið á Hellu sem ég man ekki hvað heitir. Ég verð nú bara að segja það að þetta er eitt af betri handverkshúsunum sem ég hef komið í. Þarna var vönduð vara og töluverð fjölbreytni í vöruúrvali. Hrifnust var ég af litlu þæfðu fígúrunum (kindum, körlum og konum) og handgerðu bókunum. Ef fólk er að keyra þarna um mæli ég með stoppi í þessu húsi.

I made this shawl with einföldum plotulopa and einbandi. I think it is nice to blend those two yarntypes together. This shawl suits either in using it over a sweater or winter coat, it goes well with both and it´s warm. The pattern is from Sandnes wool factory.

Páskahænur

eða bara sumarfuglar. Ég prjónaði þessar hænur rétt fyrir páska.

Ég var búin að liggja í marga daga flensu og hafði ekki heilsu eða úthald til að prjóna eitthvað flókið. Hænurnar eru einfaldar og fljótlegar og góðar á prjónana þegar þannig er ástatt fyrir manni.

Í skrautið framan á þeim notaði ég skraut af gömlum hálsmenum og hárteygjum sem er hætt að nota. Ég er búin að sjá það að maður á ekki að henda neinu (nema það sé orðið ógeðslegt). Það er mesta furða hvað hægt er að nýta gamla hluti í og spara sér fullt af krónum með því að sleppa við að kaupa t.d. skraut framan á prjónahænur.

Uppskriftina fann ég í Prjónablaðinu Ýr, gömlu eintaki. Ég léttþæfði fuglana, hefði líklega mátt þæfa þá aðeins lengur.

I made these chickens just before Easter. I had been sick with the flu for few days and had not the strength to knit something difficult. Those chickens are easy to knit when you have not the energy to craft something difficult. In the front ornaments I used parts from old necklaces that were no longer in use
I've seen that one should never throw anything away that is old unless it has become disgusting. It is possible to save some money by using those old part in something new.

The pattern I used is from Sandnes yarn.

Og þá koma páskar

Fyrir rúmlega ári síðan pantaði ég þennan dúk, sem kallast Kjúllakrútt, af síðunni föndur.is ( http://fondur.is/ ).

Ég setti allt í gang og byrjaði á verkefninu.

Það var skorið, myndin dregin upp á flisofix, straujað og saumað.

En svo brustu páskarnir á án þess að ég næði að klára myndina. Það tók nefnilega frekar langan tíma að handsauma myndirnar, sérstaklega þar sem það var stundum ansi þykkt að stinga í gegn og fingurnir urðu aumir. Verkefni fór því í geymslu.

Núna rétt fyrir páska mundi ég eftir dúknum og ákvað að klára hann. Ég kláraði að sauma út í myndirnar og breytti reyndar frá munstrinu því ég ákvað að nota liti sem pössuðu vel við efnið en ekki svart garn í allan sauminn.
Dúkurinn kláraðist og prýðir nú borðstofuborðið. Ég er ótrúlega montin af honum, sérstaklega þar sem þetta er fyrsta, stóra verkefnið sem ég ætla að eiga sjálf. Ég hef gert teppi og myndir en gef allt frá mér og á því ekkert bútasaums sjálf eftir mig (nema 2 myndir sem ég gerði þegar ég var að byrja í þessu og er ekki viss um að ég láti þær hanga uppi).

Svona lítur hann út.
A year ago I bought the materials and formats for this Easter fabric. I did not finish it then so I put it in storage. A few days ago I took it out again and decided to finish it for Easter. And this is how it looks like. I am very happy with it and now it decorates the diningroom table at my home.

Seven circle

Fyrir nokkrum mánuðum síðan (held að það telji í mánuðum frekar en ári, en tíminn er mjög afstæður hjá mér og yfirleitt skil ég ekkert í því hvað hann líður hratt) fékk uppskriftina að þessum kraga hjá Unni vinkonu minni.

Hann kallast Seven circle og er eins og sést á myndunum gerður úr 7 hringjum sem hanga saman á 6 lykkjum.

Það er mjög heitt að hafa kragan um hálsinn. Sérstaklega aftan á þar sem hann liggur þétt upp að og krumpast og er því frekar þykkur þar.

Ég prjónaði hann líklegast úr heldur þykku garni þar sem hann er aðeins of víður. En góður er hann engu að síður svo ég ætla ekki að rekja hann upp heldur nota hann eins og hann er. Ég prjóna mér líklega annan næsta haust sem verður þá úr aðeins fínna garni.

P.S. bara svo þið vitið þá er ég ekki með svona undirhöku heldur var ég að taka myndina sjálf og keyrði hausinn alltaf aftur á bak og fékk þá þessa undirhöku.

Ný bloggsíða

sem ég fann á bloggsíðu sem einhver annar er með..... Er þetta ekki nokkuð algengt. Maður er að skoða blogg hjá einhverjum og finnur síðan inn á því bloggi flottar síður og gleymir þeim síðan. Ég ákvað að gleyma ekki þessu bloggi því það er nokkuð flott og fullt af góðum hugmyndum í því fyrir handverkskonur. Slóðin er http://myblackbook.free.fr/ . Ég mæli með því.

Grifflur

Um daginn prjónaði ég grifflur fyrir mömmu. Þær eru einfaldar og voru fljótprjónaðar. Garnið sem ég notaði var smart, rautt með yrjum í, svona eins og tweed garn.

Uppskriftina gerði ég sjálf og er bara nokkuð ánægð með hana. Þumallinn mætti kanski vera aðeins styttri en þær verða bara hlýrri svona.

Í framhaldinu ætla ég að leika mér með mynstur í grifflurnar fyrst grunnurinn er kominn.