Friday, July 17, 2009

Kaffihús

Í dag fór ég á Kaffi Flóru með mömmu, ömmu, Þóru Sif og tvíburunum hennar og Möggu Heiðu og litla hennar. Þetta var virkilega góð stund og ætti að eiga sér oftar stað. Veðrið var gott, sólin skein og við sátum inni í hitabeltisloftslagi.

Fyrir stuttu átti ég afmæli og ákvað að gefa mér afmælisgjöf þar sem ekki hefur farið mikið fyrir svoleiðis veseni hjá eiginmanninum. Ég fór í Storkinn og keypti mér KnitPro prjónasett. Prjónaoddarnir spana bilið 3,5 til 8. Þvílíkir prjónar. Oddurinn er svo mjór að hann gengur inn í lykkjurnar eins og ekkert sé. Prjónarnir eru líka léttir og þægilegir, snúrurnar vinda ekkert upp á sig. Ég get bara mælt með þessum prjónum. Svo er ég skráð í Rowan klúbbinn í búðinni sem þýðir að ég fæ 10% afslátt af öllu sem ég kaupi þar. Ég keypti mér einnig sokkaprjóna sem mig vantaði og fékk þá nánast endurgjaldslaust vegna afsláttarins. Þeir eru einnig frá KnitPro og eru æðislegir. Nú er bara að halda áfram að prjóna.

2 comments:

  1. Flott síða hjá þér, gaman að sjá hvað þú ert afkastamikil. Ég keypti mér líka svona prjóna fyrir afmælispening í vor, þeir eru æði. Síðan mín er www.gudnymaria.blogspot.com
    Ég mætti nú alveg vera duglegri að færa inn á hana en það er nú samt eitthvað þarna til að skoða.
    kv
    Guðný

    ReplyDelete